作感冒

其實我已經打左一大段嫁啦，諗住等陣再打埋，點知再開番時發現冇曬！！唯有再打過.........(簡短地)
今早起床周身酸痛，頭痛頭暈，又想懶懶地係床成日咩都唔做，但琴日已經冇做，今日點都帶呀囡落下街。高落呢一陣已經想死差d暈，睇黎我真係好病。番到屋企即刻上番床，要呀囡瞓咁我又可以再瞓下。點知收到電話要食晏，我當然唔理瞓左先，改食tea啦。2點好唔願意地起身去市中心食野，食完又被迫行街，真係辛苦到死！番到屋企搞埋呀囡d野沖埋凉。又到老公姐和姐夫黎食飯。勁討厭個姐夫，呀囡喊扭計，就係到話：狗咩成日要抱，俾小杜既骨佢咬啦。卜街，話我囡係狗！我就睇你點教你果個！
ps.我打緊冇左果段時呀囡睇緊明珠台，打完就瞓左啦。